osmanlıca şiirler
-
Çemende cûy-veş bu cüst-ü-cûlar hep senünçündür
Miyân-ı bülbülânda güft ü gûlar hep senünçündür
Sen ey kişt-i emel neşv ü nemadan dûrsın amma
Sehâb-âsâ dökülmek ebrûlar hep senünçündür
N’ola bir kerre meyi itsen kenara ey dür-i yekta
Hurûş-ı mevc mevc arzular hep senünçündür
Gel ey mest-i tegâfül bir nigâh it hâl-i mestâna
Reh-i meyhanede bu hây-u hûlar hep senünçündür
Sezâdur sâ’ıd-ı sîmînün itsem heykel-i gerden
Bana pür-hışm ü kîn olmak adûlar hep senünçündür
Reg-i tâk-i hafâdan cûşa gel ey bâde-i tahkik
Kadehler şişeler hamlar sebûlar hep senünçündür
Niçün ey nazm-ı Nâbî taze taze cilve itmezsin
Kalemden safhaya bu ser-fürûlar hep senünçündür.
buradan daha fazla şiirler vardır.